জুবিনৰ মৃত্যুৰ গোচৰ CBIলৈ হস্তান্তৰৰ আবেদন মূল অভিযুক্ত শ্যামকানু মহন্তৰ।
সূত্ৰৰ খবৰ অনুসৰি মালয়েছিয়াৰ পৰা কৰা হৈছিল শ্যামকানুৰ লেখ আৱেদন।
শ্যামকানুৰ লেখ আৱেদনৰ নটাৰী কৰা হৈছিল মালয়েছিয়াত।
উচ্চতম ন্যায়ালয়ৰ অৱসৰপ্ৰাপ্ত ন্যায়াধীশৰ দ্বাৰা তদাৰকৰ আহ্বান জনাইছিল শ্যামকানুয়ে।
১৭৪ পৃষ্ঠাজোৰা এই লেখ আবেদনত জুবিনৰ মৃত্যুৰ গোচৰৰ তদন্ত অসম আৰক্ষীৰ পৰা হস্তান্তৰৰ অনুৰোধ জনাইছে শ্যামকানুৱে।
অসম আৰক্ষীৰ পৰা CBIলৈ এই গোচৰ হস্তান্তৰৰ আবেদন কৰিছে শ্যামকানু মহন্তই।
গোচৰত শ্যামকানুৰ পৰিয়ালৰ লোকক কৰায়ত্ত নকৰাৰ বাবেও আহ্বান জনোৱা হৈছে।
ইফালে ১৪ দিনীয়া আৰক্ষীৰ জিম্মাত থকা শ্যামকানুৰ পৰা বহু তথ্য উলিয়াইছে তদন্তকাৰী বিষয়াসকলে বুলিও প্ৰকাশ পাইছে তথ্য।
মালয়েছিয়াৰ পৰা কৰা লেখ আবেদনত মুখ্যমন্ত্ৰীৰ কথাও উল্লেখ কৰিছে শ্যামকানু মহন্তই।
মুখ্যমন্ত্ৰীয়ে নেতিবাচক মন্তব্য কৰা বুলি উল্লেখ কৰা হৈছে আবেদনত।
সেইবাবেই CIDৰ তদন্তত বিশ্বাস নাই বুলি আবেদন কৰিছে শ্যামকানু মহন্তই।
আবেদনত সুশান্ত সিং ৰাজপুতৰ প্ৰসংগও উল্লেখ কৰিছে শ্যামকানুৱে।
আবেদনত ৰিয়া চক্ৰৱৰ্তী আৰু বিহাৰ চৰকাৰৰ প্ৰসংগও উল্লেখ কৰিছে শ্যামকানুৱে।
মুখ্যমন্ত্ৰীৰ ‘এক্স’ পোষ্টৰ স্ক্ৰীণশ্বটো সন্নিবিষ্ট কৰা হৈছে আবেদনত।
ITBPৰ জোৱানে ঘৰৰ সন্মুখত ‘জয় জুবিনদা’ ধ্বনি দিয়াৰ কথাও উল্লেখ কৰা হৈছে।
সংবাদ মাধ্যমত প্ৰকাশিত বাতৰিও শ্যামকানুৱে গাঁঠি দিলে আবেদনত।
ছিংগাপুৰ আৰক্ষীয়ে গোচৰটোত শ্যামকানুক অভিযুক্ত কৰা নাই বুলি দাবী ফেষ্টিভেল মহন্ত খ্যাত শ্যামকানুৰ।
ভাৰতত শ্যামকানুক অপৰাধী সজোৱাৰ কোনো ভিত্তি নাই বুলি উল্লেখ কৰিছে শ্যামকানুৱে।
উপযুক্ত প্ৰমাণ অবিহনে দোষী সজোৱা হৈছে বুলি অভিযোগ শ্যামকানুৰ।
ভাৰতীয় সময়মতে দিনৰ ১ বজাতহে জুবিনৰ মৃত্যুৰ খবৰ পোৱা বুলি উল্লেখ।
সিদ্ধাৰ্থ শৰ্মাই ফোন কৰি জনোৱাতহে শ্যামকানুৱে খবৰ পোৱা বুলি উল্লেখ কৰা হৈছে লেখ আবেদনত।
অসমত জীৱনৰ প্ৰতি ভাবুকি অহা বুলিও উচ্চতম ন্যায়ালয়ত জনাইছে শ্যামকানুৱে।
সংবাদ মাধ্যম, সামাজিক মাধ্যমযোগে পোৱা ভাবুকিৰ কথা উল্লেখ কৰিছে আবেদনত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
