ভাৰত-ইংলেণ্ডৰ ছেমি ফাইনেলৰ দিনা বৰষুণ হ’লে কি হ’ব ফলাফল, কোন হ’ব বাহিৰ, পইণ্ট ভগাই লোৱা নিয়ম নাই
এইবাৰৰ টি ২০ বিশ্বকাপৰ কেইবাখনো খেল বৰষুণৰ বাবে বাতিল হোৱাৰ উপৰিও, দেৰিকৈ অনুষ্ঠিত হোৱা আদিৰ সমস্যায়ো দেখা দিছিল। ছেমি ফাইনেলৰ খেলতো একেই সমস্যা হোৱাৰ সম্ভৱনাই দেখা দিছে এতিয়া। যদিহে বৰষুণৰ বাবে ভাৰত ইংলেণ্ডৰ মাজৰ খেল বাতিল হয় তেন্তে কি হব পৰিস্থিতি।
ছেমি ফাইনেলৰ খেল বাতিল হলে পইণ্ট ভগাই লোৱা নিয়ম নাই। ৰান ৰেট তথা পূৰ্বৰ পইণ্ট অনুসাৰে এটা দল আগবাঢ়িব পাৰে। যাৰ বাবে এতিয়া চিন্তাত দুয়ো দলৰ খেলুৱৈ সকল।
ভাৰতে এতিয়ালৈকে এখনো খেলত পৰাজয় বৰণ কৰা নাই। কেৱল এখন খেল বৰষুণৰ বাবে বাতিল হোৱাৰ কাৰণে পইণ্ট ভগাই লব লগা হৈছিল। গ্ৰুপ ষ্টেজ তথা ছুপাৰ ৮ৰ দুয়োটা পৰ্যায়তে ভাৰতে শীৰ্ষত থাকি ছেমি ফাইনেলত প্ৰৱেশ কৰিছে। দলটোৱে বৰ্তমানলৈ ভাল প্ৰদৰ্শন কৰি আছে। এতিয়া ভাৰতে ২৭ জুন বৃহস্পতিবাৰে কাইলৈ নিশা ৮ বজাত ইংলেণ্ডৰ মুখামুখি হ’ব।
ক্ৰিকেট প্ৰেমী ভাৰতীয় সকলৰ বাবে এইখিনিতে কিছু বেয়া খবৰ, বৰষুণৰ বাবে বাতিল হব পাৰে খেল। ছেমি ফাইনেলৰ খেল চোৱাৰ পৰা বঞ্চিত হব পাৰে ভাৰতীয় অনুৰাগী। যদিহে খেল বাতিল হয় তেন্তে ভাৰতীয় দল বাহিৰ হব লাগিব নেকি !
সাধাৰণতে ছেমি ফাইনেল বা ফাইনেল খেলৰ ক্ষেত্ৰত এনে হলে এটা ৰিজাৰ্ভ ডে ৰখা হয়। নিৰ্দিষ্ট দিনটোত কেল পৰিত্যক্ত হলে ৰিজাৰ্ভ দিনটোত খেল অনুষ্ঠিত হয়।
এইবাৰৰ বিশ্বকাপত কিছু অন্য নিয়ম কৰা হৈছে কাইলৈ ৬ বজাত প্ৰথমখন খেল আৰু নিশা ৮ বজাত দ্বিতীয়খন চেমি ফাইনেলৰ খেল অনুষ্ঠিত হব। প্ৰথমখল খেলৰ বাবে ৰিজাৰ্ভ ডে ৰখা হৈছে কিন্তু দ্বিতীয়খন খেলৰ বাবে অতিৰিক্ত সময় ৰখা হৈছে। দ্বিতীয়খন খেলেই হৈছে ভাৰত-ইংলেণ্ডৰ।
দ্বিতীয়খনখেলত ৪ ঘন্টা ১০ মিনিট সময় অতিৰিক্ত ৰখা হৈছে , যাতে খেল খল সেইদিনাই অনুষ্ঠিত কৰা হয়। যদি তথাপিও খেল অনুষ্ঠিত কৰিব পৰা নাযায়, তেন্তে কি হ’ব পৰিনাম।
যদিহে খেল সম্পূৰ্ণৰূপে পৰিত্যক্ত হয় তেন্তে সেয়া হব ভাৰতৰ বাবে বৰদান। ভাৰতৰ বাবে একপ্ৰকাৰ লাভ। কিয়নো ছুপাৰ ৮ত ভাৰতে শীৰ্ষত থাকি ছেমি ফাইনেলত প্ৰৱেশ কৰিছে। যাৰ বাবে ভাৰতে নেখেলাকৈয়ে ফাইনেলত প্ৰৱেশ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
