পাঁচ ৰাজ্যৰ বিধানসভাৰ নিৰ্বাচনত এইবাৰ বহু হাই প্ৰফাইল নেতা ধাৰাশায়ী হৈছে৷
দুজন প্ৰাক্তন মুখ্যমন্ত্ৰী আৰু দুজন মুখ্যমন্ত্ৰী এইবাৰ নিৰ্বাচনত পৰাজয় বৰণ কৰিছে৷
প্ৰাক্তন মুখ্যমন্ত্ৰী দুগৰাকী হৈছে ক্ৰমে পঞ্জাৱৰ প্ৰাক্তন মুখ্যমন্ত্ৰী কেপ্তেইন অমৰিন্দৰ সিং আৰু উত্তৰাখণ্ডৰ প্ৰাক্তন মুখ্যমন্ত্ৰী তথা কংগ্ৰেছৰ জ্যেষ্ঠ নেতা হৰিশ ৰাৱাট৷
লগতে পঢ়ক লাইভ আপডেট: মণিপুৰ, উত্তৰাখণ্ড, গোৱাতো গেৰুৱাৰ বাহিনীৰ দৌৰাত্ম্য! নিচিহ্ন কংগ্ৰেছ
আনহাতে পৰাস্ত হোৱা মুখ্যমন্ত্ৰী দুগৰাকী হৈছে পঞ্জাৱৰ মুখ্যমন্ত্ৰী চৰণজিৎ সিং ছন্নী আৰু উত্তৰাখণ্ডৰ বিজেপি মুখ্যমন্ত্ৰী পুষ্কৰ সিং ধামী৷
যোৱা ছেপ্তেম্বৰত পঞ্জাৱৰ মুখ্যমন্ত্ৰী পদৰ পৰা অপসাৰিত হোৱাৰ পিছতে কেপ্তেইন অমৰিন্দৰ সিঙে কংগ্ৰেছ ত্যাগ কৰি পঞ্জাৱ লোক দল গঠন কৰি বিজেপিৰে মিলি নিৰ্বাচনী প্ৰতিদ্বন্দ্বিতা কৰিছিল৷
কেপ্তেইন সিঙে পটিয়ালা নগৰ সমষ্টিত প্ৰতিদ্বন্দ্বিতা কৰি আম আদমি পাৰ্টি অজিত সিং পালৰ হাতত পৰাস্ত হৈছে৷
ইফালে বৰ্তমানৰ মুখ্যমন্ত্ৰী চৰণজিৎ সিং ছন্নীয়ে দুটাকৈ সমষ্টিত প্ৰতিদ্বন্দ্বিতা কৰি পৰাস্ত হৈছে৷
লগতে পঢ়ক ৩৭ বছৰৰ অন্তত উত্তৰ প্ৰদেশত ইতিহাস ৰচিব যোগীয়ে! কি ইতিহাস ৰচিব যোগী আদিত্যনাথে?
ছন্নীয়ে আপ-ৰ লাভ সিং উগোকেৰ হাতত প্ৰায় ৩৪,০০০ ভোটত পৰাস্ত হৈছে৷ আনহাতে, চোমকৌৰ সমষ্টিত মুখ্যমন্ত্ৰী ছন্নীয়ে আপ-ৰ প্ৰাৰ্থী চৰণজিৎ সিঙৰ হাতত পৰাস্ত হৈছে৷
উত্তৰাখণ্ডত প্ৰাক্তন মুখ্যমন্ত্ৰী তথা কংগ্ৰেছৰ জ্যেষ্ঠ নেতা হাৰিশ ৰাৱটো পৰাস্ত হৈছে৷ উত্তৰাখণ্ডৰ লালকুৱা সমষ্টিত পৰাস্ত হৈছে হাৰিশ ৰাৱট৷
ইমানেই নহয়, উত্তৰাখণ্ডৰ বিজেপি মুখ্যমন্ত্ৰী পুষ্কৰ সিং ধামীও এইবাৰ নিৰ্বাচনত ধাৰাশায়ী হৈছে৷ তেওঁৰ দলে মসৃণ বিজয়ৰ দিশে আগবাঢ়িলেও ধামীয়ে কংগ্ৰেছৰ প্ৰাৰ্থীৰ হাতত প্ৰায় ৭ হাজাৰ ভোটৰ ব্যৱধানত পৰাস্ত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
