নিষিদ্ধ কৰা হ’ল উল্লু, বিগ ছট এপসহ ২৫ টা অশ্লীল এপ আৰু ৱেবচাইট৷ তথ্য আৰু সম্প্ৰচাৰ মন্ত্ৰণালয়ৰ তৰফৰ পৰা এই সিদ্ধান্ত লোৱা হৈছে৷ নিষিদ্ধ হোৱা এই এপসমূহ আৰু ৱেবচাইটসমূহত বিগত কেইবাবছৰ ধৰি আপত্তিকৰ বিজ্ঞাপন আৰু অশ্লীল কনটেণ্ট দেখুওৱা হৈছিল৷ যিয়ে জনমানসত ভীষণবাৱে প্ৰভাৱ পেলাইছে৷ ইতিমধ্যেই ভাৰতত ইন্টাৰনেট পৰিসেৱা প্ৰদানকাৰীসকলক চৰকাৰৰ তৰফৰ পৰা এক বিজ্ঞাপ্তি জাৰি কৰি জনোৱা হৈছে যে এই এপ আৰু ৱেৱচাইট যিসকলে ব্যৱহাৰ কৰে তেওঁলোকৰ হাতত আৰু এতিয়া এই একছেচ নাথাকিব৷
খবৰ অনুসৰি বন্ধ হোৱা এপৰ তালিকাত আছে অলট, উল্লু, বিগ ছটচ এপ, দেশীফ্লিক্স, বুমেক্স, নভৰছা লাইট, গুৰাব এপ, কংগন এপ, বুল এপ, জলৱা এপ, ৱাও এণ্টাৰটেইনমেণ্ট, লুক এণ্টাৰটেইনমেণ্ট, হিটপ্ৰাইম, ফেনেৱো, শ্ব এক্স, চোল টকিজ, আড্ডা টিভি, হট এক্স, ভিআইপি, হলচল এপ, মুডেক্স, নিউনেক্স ভিআইপি, ফুজি, মোজিফ্লিক্স, ট্ৰিফ্লিকছৰ দৰে এপসমূহ৷
উল্লেখ্য যে ২০০০ চনৰ ভাৰতীয় ন্যায়সংহিতাত তথ্যপ্ৰযুক্তি আইনৰ ৬৭ আৰু ৬৭এ ধাৰাত ২০২৩ চনৰ ভাৰতীয় ন্যায়সংহিতাৰ ২৯৪ ধাৰা আৰু ১৯৮৬ চনৰ ৪ নম্বৰ ধাৰা অনুসৰি এই এপসমূহে আইন লংঘন কৰিছে বুলিয়েই জনোৱা হৈছে চৰকাৰৰ তৰফৰ পৰা৷ এই কাৰণতেই এই দেশত উল্লেখিত বিনোদন ৱেৱচাইসমূহক নিষিদ্ধ ঘোষণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
