অসম লাইভ ২৪ঃ আকৌ এটা ধৰ্ষণৰ ঘটনা। এইবাৰ ধৰ্ষণৰ বলি হ’ল এগৰাকী মডেল-অভিনেত্ৰী। ২৬ বছৰীয়া অভিনেত্ৰীগৰাকীয়ে তেওঁৰে বন্ধুই ধৰ্ষণ কৰাৰ অভিযোগ আনিছে। কেইবাখনো জনপ্ৰিয় টিভি ধাৰাবাহিকত অভিনয় কৰা অভিনেত্ৰীগৰাকী ফ্লেটত অকলে বাস কৰে। ইয়াৰে সুযোগ লৈ অভিনেত্ৰীগৰাকীক বলাৎকাৰ কৰে যুৱক এজনে। অভিনেত্ৰীগৰাকীয়ে আৰক্ষীক দিয়া এজাহাৰত উল্লেখ কৰিছে যে ধৰ্ষণকাৰী তেওঁৰ পূৰ্বৰ চিনাকি। বুধবাৰে মডেলগৰাকীৰ ফ্লেটলৈ আহিছিল যুৱকজন। লকডাউনৰ বাবে ঘৰৰ পৰা টকা নহাৰ বাবে অভিনেত্ৰীগৰাকীৰ পৰা কিছু টকা ঋণ ল’ব বিচাৰিছিল বন্ধুৰূপী যুৱকজনে। কিন্তু পইচা নিয়াৰ ছলেৰে অভিনেত্ৰীগৰাকীৰ ফ্লেটত অহা যুৱকজনে ধৰ্ষণৰ সমগ্ৰ ঘটনা ম’বাইলত ৰেকৰ্ডিং কৰে। আৰু ব্লেকমেইল কৰিবলৈ আৰম্ভ কৰে। উপায়ন্তৰ হৈ স্থানীয় আৰক্ষীক গোচৰ দিয়ে মডেলগৰাকীয়ে। ঘটনা সংঘটিত হৈছে কলকাতাৰ তালিগঞ্জত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
