বিশ্বৰ আটাইতকৈ দামী বাহনখনৰ নাম কি? আৰু ইয়াৰ মূল্য কিমান জানেনে? আজি আমি বিশ্বৰ আটাইতকৈ দামী গাড়ীখন আৰু ইয়াৰ মূল্যৰ বিষয়ে ক’বলৈ আগবাঢ়িছো৷
বিশ্বৰ এই দামী গাড়ীখন কোনটো ব্ৰেণ্ডৰ? বিশ্বৰ আটাইতকৈ দামী গাড়ীখন হৈছে বিলাসী বাহন নিৰ্মাণ প্ৰতিষ্ঠান মাৰ্চিডিজৰ৷ মাৰ্চিডিজৰ এই নিৰ্দিষ্ট বাহনখনে ২০১৮ত অভিলেখ প্ৰতিষ্ঠা কৰা ফেৰাৰী এখন বাহনৰ ৰেকৰ্ড ভংগ কৰিছে৷
এক নিলাম অনুষ্ঠানত মাৰ্ছিডিজ বেঞ্জ ৩০০ এছ এল আৰ উহলেনহাউট ক’প মডেলৰ বাহনখনে বিশ্বৰ আটাইতকৈ দামী বাহন হিচাপে অভিলেখ সৃষ্টি কৰিছে৷
লগতে পঢ়ক সাৱধান, অস্বাস্থ্যকৰ খাদ্য খাই হ’ব পাৰে অন্ধ! বিশেষজ্ঞৰ সতৰ্কবাণী
এই বাহনখনৰ নিলামত ১৩৫ মিলিয়ন ইউৰো ভাৰতীয় মূল্যত প্ৰায় ১১০৮ কোটি টকাৰ দৰ উঠে৷ মাৰ্ছিডিজ বেঞ্জৰ এই বাহনখনে যোৱা ৫ মে’ৰ নিলামত ১১০৮ কোটি টকা দৰ উঠি ২০১৮ চনত ফেৰাৰীৰ ২৫০ জিটিঅ’ৰ ৫০৩ কোটি টকাৰ অভিলেখ ভংগ কৰে৷
পূৰ্বতে মাৰ্চিডিজ বেঞ্জৰ মালিকানাধীন এই গাড়ীখন ৫ মে’ত মাৰ্চিডিজ বেঞ্জ সংগ্ৰহালয়ত আৰ এম ছ’থেবি’ছে অনুষ্ঠিত কৰা ব্যক্তিগত নিলামত বিক্ৰী কৰা হয়।
এই বাহনখনৰ বিশেষত্বটো হৈছে ১৯৫৫ চনৰ মাৰ্চিডিজ বেঞ্জ ৩০০ এছ এল আৰ মাত্ৰ দুখন ৩০০ এছ এল আৰ উহলেনহাউট ক’পে মাৰ্চিডিজ-বেঞ্জে নিৰ্মাণ কৰিছিল, আৰু ইয়াৰ নামকৰণ কৰা হৈছিল তেওঁলোকৰ মুখ্য অভিযন্তা ৰুডলফ উহলেনহাউটৰ নামেৰে। অৱশ্যে পিছলৈ এই ছিৰিজৰ গাড়ীৰ সংখ্যা ৯ খন হয়৷
লগতে পঢ়ক ‘সকলো মাদ্ৰাছা বন্ধ হ’ব! ঘৰতে শিকাওক কোৰান’ ডঃ হিমন্ত বিশ্ব শৰ্মাৰ বিতৰ্কিত মন্তব্য
এই বাহনখন ডব্লিউ 196 আৰ গ্ৰেণ্ড প্ৰিক্স গাড়ীৰ ৰোড-গোয়িং সংস্কৰণ হিচাপে ডিজাইন কৰা হৈছিল৷ ইয়াত 3.0 লিটাৰৰ ষ্ট্ৰেইট-ইট ইঞ্জিন আছিল যাৰ ফলত ই ঘণ্টাত সৰ্বোচ্চ ১৮০ মাইল পৰ্যন্ত গতিবেগত যাব পাৰে।
বিক্ৰী হোৱা এই বাহনখন আছিল চেছিছ ০০০৮/৫৫ নিৰ্মিত গাড়ী দুখনৰ ভিতৰত দ্বিতীয়খন বাহন, আৰু যিখন গাড়ী উহলেনহাউটে নিজেই সঘনাই ব্যৱহাৰ কৰিছিল।
এই বিক্ৰীয়ে ৩০০ এছ এল আৰক এতিয়ালৈকে নিলামত বিক্ৰী হোৱা আটাইতকৈ দামী বাহনৰ অভিলেখ সৃষ্টি কৰিছে যিটো দীৰ্ঘদিনৰ বাবে ভংগ নহ’ব বুলিয়ে ধাৰণা কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
