‘বিটিকে কিলাৰ’৷ এসময়ত এই নামটো শুনি আমেৰিকাৰ পিটচবাৰ্গৰ গাতে লাগি থকা উইচিটাৰ জনসাধাৰণে ভয়ত কঁপি উঠিছিল। এই ‘বিটিকে কিলাৰ’ৰ প্ৰকৃত নাম ডেনিছ ৰেডাৰ। ডেনিছে যোৱা তিনিটা দশকত মুঠ ১০ জন লোকক নিৰ্মমভাৱে হত্যা কৰিছিল।
বিটিকেৰ সম্পূৰ্ণ অৰ্থ আছিল, ‘বান্ধি, অত্যাচাৰ আৰু হত্যা’। ডেনিছে নিজকে বিটি কিলাৰ বুলি কৈছিল, কাৰণ তেওঁ হত্যা কৰা লোকসকলক বান্ধি বান্ধি নিৰ্যাতন চলাইছিল আৰু ইয়াৰ পাছত নিৰ্মমভাৱে হত্যা কৰা হৈছিল।
কিন্তু বিটিকেৰ এই অপৰাধৰ আঁৰৰ কাৰণ কি? ইতিহাসৰ অন্যতম ভয়াৱহ ছিৰিয়েল কিলাৰ হিচাপে তেওঁক কিয় অভিহিত কৰা হৈছে?
ডেনিছৰ জন্ম হৈছিল ১৯৪৫ চনৰ ৯ মাৰ্চত আমেৰিকাৰ কেনছাছৰ উইচিটাত। ১৯৬০ চনত তেওঁ আমেৰিকাৰ বায়ুসেনাত যোগদান কৰিছিল। ১৯৭০ চনলৈকে তেওঁ বায়ুসেনা এৰি উইচিটালৈ উভতি আহিছিল।
উইচিটালৈ উভতি আহি তেওঁ বিয়া কৰায়। তেওঁৰ দুটা সন্তানো আছে। তাৰ পিছত ডেনিছে কেম্পিং সঁজুলি নিৰ্মাতা কোম্পানী কলমেন কোম্পানীত কেইদিনমান কাম কৰিছিল। এই সময়ছোৱাত তেওঁ কেইবাবাৰো চাকৰি সলনি কৰিছিল।
লগতে পঢ়ক চলমান, অক্ষয়ক পিছ পেলালে দক্ষিণৰ আল্লু অৰ্জুনে! ‘পুষ্পা ২’ৰ বাবে কিমান পাৰিশ্ৰমিক লৈছে অৰ্জুনে?
১৯৭৯ চনত ডেনিছে উইচিটা ষ্টেট ইউনিভাৰ্চিটিৰ পৰা স্নাতক ডিগ্ৰী লাভ কৰে। বিষয় আছিল ফৌজদাৰী ন্যায় ব্যৱস্থা। ইয়াৰ পিছত তেওঁ এটা ছিকিউৰিটি গাৰ্ড কোম্পানীত কাম কৰিবলৈ আৰম্ভ কৰে।
ডেনিছক সেই অঞ্চলত এজন ধৰ্মপৰায়ণ ব্যক্তি হিচাপে পৰিচিত আছিল। তেওঁ আছিল এজন নিয়মীয়াকৈ গীৰ্জালৈ যোৱা লোক। কিন্তু ইয়াৰ মাজতে ডেনিছে প্ৰথম হত্যাকাণ্ড সংঘটিত কৰে। ১৯৭৪ চনৰ ১৫ জানুৱাৰীত ডেনিছে প্ৰথম হত্যাকাণ্ড সংঘটিত কৰে। ডেনিছে উইচিটাত দুটা সন্তানসহ এটা পৰিয়ালৰ চাৰিজন সদস্যক ডিঙি চেপি হত্যা কৰে।
এই হত্যাকাণ্ডৰ তদন্তত ঘটনাস্থলীত বীৰ্যৰো উদ্ধাৰ কৰা হৈছিল৷ অৱশ্যে মৰণোত্তৰ পৰীক্ষাত মৃতকৰ কোনো এজনকে যৌন নিৰ্যাতন চলোৱা হোৱা নাই বুলিও জানিব পৰা গৈছে। পৰিয়ালৰ সকলোকে হত্যা কৰাৰ পিছত ডেনিছে এটা ঘড়ী আৰু কিছুমান আণ্ডাৰৱেৰ চুৰি কৰে। পিছত প্ৰকাশ পাইছিল যে তেওঁ এইবোৰ বস্তু স্মাৰকৰূপেহে হিচাপেহে চুৰি কৰিছিল।
১৯৭৪ চনৰ এপ্ৰিল মাহত ডেনিছে ২১ বছৰীয়া আন এগৰাকী যুৱতীক হত্যা কৰে। যুৱতী গৰাকীয়েও এটা সময়ত ডেনিছৰ সৈতে একেটা কোম্পানীতে কাম কৰিছিল।
যুৱতীগৰাকীৰ ভাতৃয়ে ভগ্নীক ডেনিছৰ হাতৰ পৰা ৰক্ষা কৰিবলৈ বৃথা চেষ্টাও কৰিছিল। ডেনিছে যুৱকজনলৈ গুলীচালনা কৰাত ভাতৃয়ে সেই স্থানৰ পৰা পলায়ন কৰে। ইয়াৰ পাছত ডেনিছে ছুৰীৰে যুৱতীগৰাকীক উপৰ্যুপৰি আঘাত কৰি হত্যা কৰে। কিন্তু এই হত্যাকাণ্ডৰ পাছতো আৰক্ষীয়ে হত্যাকাৰী ডেনিছৰ সম্ভেদ লাভ কৰিব পৰা নাছিল।
লগতে পঢ়ক জাতীয় দলৰ অধিনায়ক, আই পি এল ক্ৰিকেটাৰৰ বিৰুদ্ধে নাবালিকা ধৰ্ষণৰ অভিযোগ, তদন্ত আৰম্ভ
প্ৰথম দুটা হত্যাকাণ্ড সংঘটিত হোৱা স্থানত আৰক্ষীয়ে মৃতদেহৰ কাষত হাতেৰে অংকন কৰা এখন ছবি উদ্ধাৰ কৰে। প্ৰথম অৱস্থাত এই স্কেচটো দেখি এনে লাগিছিল যেন এগৰাকী মহিলাৰহে ছবি, কিন্তু আৰক্ষীয়ে ছবিখন ঘূৰাই চাই দেখিলে যে তাত ‘বিটিকে’ লিখা আছে।
ইমানবোৰ হত্যাকাণ্ডৰ আঁৰৰ একমাত্ৰ কাৰণ আছিল যে ডেনিছে ছিৰিয়েল কিলাৰ হিচাপে স্বীকৃতি লাভ কৰা। কিন্তু সংবাদ মাধ্যমে তেওঁৰ এই হত্যাকাণ্ডসমূহক এই লৈ বিশেষ গুৰুত্ব প্ৰদান নকৰাত পিছলৈ তেওঁ নিজেই এটা টোকা লিখি পিছৰ বছৰৰ জানুৱাৰী মাহত হত্যাকাণ্ডৰ বিশদ বিৱৰণ দিছিল।
এই চিঠিখন তেওঁ উইচেটাৰৰ লাইব্ৰেৰীত এখন কিতাপত থৈ গৈছিল। চিঠিখন উদ্ধাৰ হোৱাৰ লগে লগে উইচিটাত চাঞ্চল্যৰ সৃষ্টি হয়। চিঠিখনত লিখা আছিল, ‘‘মোৰ পদ্ধতি হ’ল সিহঁতক বান্ধি অত্যাচাৰ কৰা আৰু তাৰ পিছত হত্যা কৰা। সেইবাবেই মই নিজৰ নাম ৰাখিলো ‘বিটিকে কিলাৰ’।’’
১৯৭৭ চনৰ মাৰ্চ মাহত ডেনিছে তিনিটা শিশুক বাথৰুমত আবদ্ধ কৰি ডিঙি চেপি হত্যা কৰে। সেই বছৰৰ ডিচেম্বৰ মাহত তেওঁ আন এগৰাকী মহিলাকো হত্যা কৰিছিল। তেওঁৰ হত্যাকাণ্ডবোৰৰ বিষয়ে সংবাদ মাধ্যমত প্ৰকাশ নোপোৱাত তেতিয়া তেওঁ হতাশ হৈ পৰিছিল।
লগতে পঢ়ক কাজিয়া! প্ৰচণ্ড মাৰপিট! আৰক্ষীয়ে আৰক্ষীক ঘুচিয়াই নাক ভঙাৰ চেষ্টা
এইবাৰ তেওঁ স্থানীয় এটা টিভি চেনেললৈ এখন পত্ৰ প্ৰেৰণ কৰি লিখে, ‘‘সংবাদ পত্ৰত নাম পাবলৈ মই আৰু কিমান হত্যাকাণ্ড কৰিব লাগিব?’’ এই খবৰটো টিভিত প্ৰচাৰ হোৱাৰ পিছত সমগ্ৰ অঞ্চলজুৰি আতংক বিয়পি পৰে।
ডেনিছে পৰৱৰ্তী আঠ বছৰলৈকে আৰু এটাও হত্যাকাণ্ড সংঘটিত কৰা নাছিল। ইয়াৰ পিছত ১৯৮৫ চনত ডেনিছে এগৰাকী মহিলাক হত্যা কৰে। ডেনিছে মহিলাগৰাকীক স্থানীয় গীৰ্জালৈ লৈ গৈ হত্যা কৰাৰ অভিযোগ উত্থাপন হৈছে। গীৰ্জাত মহিলাগৰাকীক হত্যাৰ পূৰ্বে ৰছীৰে বান্ধি নিৰ্যাতন চলোৱাৰ কেইবাখনো ফটোও তোলা হৈছিল।
১৯৮৬ চনত ডেনিছে আন এগৰাকী ২৮ বছৰীয়া মহিলাক হত্যা কৰে। মহিলাগৰাকীক দুটা সন্তানৰ সন্মুখতে হত্যা কৰা হয়। ১৯৯১ চনত ডেনিছে আন এগৰাকী ৬২ বছৰীয়া মহিলাক ডিঙি চেপি হত্যা কৰে। কিন্তু ইয়াৰ পাছতো তেওঁৰ হত্যাকাণ্ডৰ অন্ত পৰা নাছিল।
২০০৪ চনত প্ৰথম হত্যাকাণ্ডৰ ত্ৰিশ বছৰৰ পাছত স্থানীয় সংবাদ মাধ্যমৰ এক প্ৰতিবেদনত দাবী কৰা হৈছিল যে উইচিটাৰ হত্যাকাৰীজন সম্ভৱতঃ মৃত্যুমুখত পৰিছে নতুবা তেওঁ কোনো এখন কাৰাগাৰত আছে।
এই প্ৰতিবেদনে ডেনিছক জোকাৰি গৈছিল। তেওঁ নিজেই সেই সংবাদ মাধ্যমৰ এজন সাংবাদিকলৈ জীৱনৰ নৱম হত্যাকাণ্ডৰ সৈতে জড়িত বহু নথি-পত্ৰ প্ৰেৰণ কৰিছিল। এই নথিসমূহৰ ভিতৰত আছিল মৃত মহিলাগৰাকীৰ ফ’টো আৰু ড্ৰাইভিং লাইচেন্স।
লগতে পঢ়ক জৰায়ুত ২.৫ কিঃগ্ৰাম ওজনৰ চিষ্ট! ভুক্তভোগী মহিলাই গমেই পোৱা নাছিল! অস্ত্ৰোপচাৰে বচালে জীৱন
পিছৰ এটা বছৰত ডেনিছে হত্যাকাণ্ডৰ অধিক তথ্য প্ৰমাণ কাকতখনলৈ প্ৰেৰণ কৰে। হত্যাকাণ্ড সংঘটিত কৰাৰ পিছত তেওঁ মৃতকৰ কেইবাটাও বস্তু স্মৃতিসৌধ হিচাপে ৰাখিছিল। আৰু সেইবোৰ ডেনিছে বাকচত ভৰাই আৰক্ষী আৰু প্ৰেছলৈ প্ৰেৰণ কৰে।
২০০৫ চনৰ জানুৱাৰী মাহত ডেনিছে হত্যাকাণ্ডৰ সকলো প্ৰমাণ ফ্লপি ডিস্কৰ জৰিয়তে আৰক্ষীলৈ প্ৰেৰণ কৰে। আৰু এই ফ্লপিটোৱেই ডেনিছৰ বাবে কাল হ’ল।
ফ্লপিটোৰ ভিত্তিত আৰক্ষীয়ে ফেব্ৰুৱাৰী মাহত ডেনিছক গ্ৰেপ্তাৰ কৰে। প্ৰথম হত্যাকাণ্ডৰ স্থানত উপলব্ধ বীৰ্য পৰীক্ষা কৰি প্ৰমাণিত হ’ল যে ডেনিছেই সেই হত্যাকাৰী। আদালতত ডেনিছে সকলো অপৰাধ স্বীকাৰ কৰিছিল।
ডেনিছে আদালতত কয় যে তেওঁৰ কম বয়সতে জীৱ-জন্তু হত্যা কৰাৰ প্ৰৱণতা গঢ় লৈ উঠিছিল। সৰুতে তেওঁৰ মূৰত হিংসাত্মক যৌন কল্পনা গঢ় লৈ উঠিবলৈ ধৰিলে। আৰু ইয়াৰ পৰাই তেওঁ এটাৰ পিছত এটাকৈ হত্যাকাণ্ড সংঘটিত কৰিছিল। বিচাৰত ডেনিছক আজীৱন কাৰাদণ্ড বিহা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
