ছায়া নপৰে, শুনা নাযায় সমুদ্ৰৰ গৰ্জন, ৰথৰ পূৰ্বে জানক পুৰীৰ মন্দিৰৰ ১০ টা ৰহস্য

পুৰীৰ মন্দিৰৰ মহাপ্ৰসাদ

দিনত পাঁচবাৰ মহাপ্ৰসাদ দিয়া হয় জগন্নাথদেৱক৷ ইয়াৰ মাজত থাকে ৫৬ধৰণৰ ভোগ৷ এইয়া দুটা ভাগত ভাগ কৰা হয়৷ এটা সুখিলা, অন্যটো শানখুডি৷ সুখিলাত থাকে নানান ধৰণৰ শুকান মিঠাই আৰু শানখুড়িত থাকে ভাত, দাইল, পোলাও আৰু অন্য ধৰণৰ ব্যঞ্জন৷

মহাপ্ৰসাদ প্ৰস্তুত প্ৰণালী

জগন্নাথদেৱৰ বাবে মহাপ্ৰসাদ তৈয়াৰৰ পদ্ধতিটোও খুবেই আশ্চৰ্যজনক৷ মন্দিৰত কেইবা হাজাৰ সেৱকে মিলি প্ৰতিদিনে মহাপ্ৰসাদ প্ৰস্তুত কৰে৷ সাতটা মাটিৰ পাত্ৰক এটাৰ ওপৰত আনটো বহুৱাই ৰন্ধা হয়৷ জুই দিয়া হয় একেবাৰে তলত৷ কিন্তু সকলোৰে ওপৰত যি পাত্ৰ থাকে তাত থকা অন্নহে সকলোতকৈ আগতে সিদ্ধ হয়৷ তাৰপিছতেই দ্বিতীয় ওপৰত থকা পাত্ৰৰ ভাত সিদ্ধ হয়৷ কেনেকৈ এয়া সম্ভৱ, সেয়া সঠিকভাৱে ক’ব নোৱাৰি৷

পুৰীৰ মন্দিৰত সমুদ্ৰৰ গৰ্জন শুনা নাযায়

সমুদ্ৰৰ নিছেই কাষত অৱস্থিত পুৰীৰ জগন্নাথ মন্দিৰ৷ কিন্তু আশ্চৰ্যৰ বিষয় হল এই মন্দিৰৰ ভিতৰত সমুদ্ৰৰ গৰ্জন শুনা নাযায়৷ এবাৰ এই মন্দিৰৰ ভিতৰত সোমালে আৰু সমুদ্ৰৰ গৰ্জন আপুনি শুনা নাপায়৷ প্ৰচলিত বিশ্বাস অনুসৰি সমুদ্ৰৰ গৰ্জনত সুভদ্ৰাৰ বিশ্ৰাম ভংগ হৈছিল সেয়ে তেওঁৰ অনুৰোধতেই মন্দিৰৰ ভিতৰত সমুদ্ৰৰ গৰ্জন প্ৰৱেশ কৰিবলৈ নিদিছিল জগন্নাথদেৱে৷