পুনৰ এক জঘন্য কাণ্ড পোহৰলৈ আহিছে৷ জবলপুৰৰ জিলাৰ ৰাঞ্জী থানা এলেকাত দুজন সম্পৰ্কীয় ভাতৃয়ে সম্পৰ্কীয় ভগ্নীক দলবদ্ধ ধৰ্ষণ কৰি হত্যা কৰে। সম্পৰ্কীয় ভগ্নীগৰাকীয়ে এই ধৰ্ষণক বিৰোধ কৰিবলৈ চেষ্টা কৰাত দুই ভাতৃয়ে মিলি কিশোৰীগৰাকীক বেয়াকৈ মাৰপিট কৰে।
দুই ভাতৃয়ে প্ৰহাৰত গুৰুতৰভাৱে আঘাত প্ৰাপ্ত কিশোৰী ভগ্নীক চিকিৎসাৰ বাবে চিকিৎসা মহাবিদ্যালয়ত ভৰ্তি কৰোৱা হয় যদিও চিকিৎসাৰ সময়তে কিশোৰীগৰাকীৰ মৃত্যু হয়। ইয়াৰ পিছতে দুই অভিযুক্তই কিশোৰীগৰাকীৰ মৃতদেহ সমাধিস্থ কৰে৷
ঘটনাটোৰ বিষয়ে কিশোৰীগৰাকীৰ পিতৃয়ে আৰক্ষীৰ ওচৰত কাষ চপাৰ পিছতে পোহৰলৈ আহে।
লগতে পঢ়ক অচিনাকি যাত্ৰীৰ কান্ধত মূৰ থৈ শুই যাত্ৰা কৰিছিল এক যুৱতীয়ে! পাছত দুই সহযাত্ৰীৰ মাজত আৰম্ভ প্ৰেম
আচলতে ৰক্ষাবন্ধন উপলক্ষে মুম্বাইৰ পৰা জবলপুৰৰ সম্পৰ্কীয় ভাতৃৰ ঘৰলৈ আহিছিল কিশোৰীগৰাকী। কেইমাহমান আগতে কিশোৰীগৰাকীৰ পৰিয়ালটো জবলপুৰৰ পৰা মুম্বাইলৈ স্থানান্তৰিত হৈছিল। কিছুদিনৰ আগতে কিশোৰীগৰাকীৰ আইতাকে মুম্বাইলৈ গৈছিল আৰু কিশোৰীগৰাকীয়ে ৰক্ষা বন্ধনৰ পূৰ্বে ১০ আগষ্টত আইতাকৰ সৈতে জবলপুৰলৈ আহিছিল।
কিশোৰীগৰাকীয়ে দুই সম্পৰ্কীয় ভাতৃয়ে আৰু পৰিয়ালৰ সৈতে ভালদৰে ৰক্ষাবন্ধন পালন কৰিলে। ১৬ আগষ্টত পৰিয়ালৰ লোকসকল ক’ৰবালৈ গৈছিল, এই সময়ছোৱাত দুয়ো ভাতৃয়ে নিজৰ সম্পৰ্কীয় ভগ্নীক তেওঁলোকৰ লগত থাকিবলৈ বাধ্য কৰে৷ ঘৰত কোনো নথকাৰ সুযোগতে দুই ভাতৃয়ে কিশোৰীগৰাকীক দলবদ্ধ ধৰ্ষণ কৰে৷
কিশোৰীগৰাকীয়ে ইয়াক বিৰোধ কৰাৰ বাবেই দুই ভাতৃয়ে মিলি কিশোৰীগৰাকীক নিৰ্মমভাৱে প্ৰহাৰ কৰে। পিছদিনা ১৭ আগষ্টত দুয়োজন ভাতৃয়ে কিশোৰীগৰাকীক মেডিকেল কলেজলৈ লৈ যায় আৰু দুদিন পিছত চিকিৎসাধীন অৱস্থাত মৃত্যু হয়। কিশোৰীগৰাকীৰ বয়স আছিল ১৫ৰ পৰা ১৬ বছৰৰ ভিতৰত বুলি জানিব পৰা গৈছে।
লগতে পঢ়ক প্ৰেমিকাক ভয় খুৱাবলৈ আত্মহত্যাৰ অভিনয়! সঁচাকৈ ডিঙিত চিপ লাগি মৃত্যু তিনি সন্তানৰ পিতৃৰ
ভগ্নীৰ মৃত্যুৰ পিছত দুয়োজন অভিযুক্তই খৰখেদাকৈ কিশোৰীগৰাকীৰ মৃতদেহটো একাংশ লোকৰ সৈতে সমাধিস্থ কৰে। কিশোৰীগৰাকীৰ দেউতাকক অভিযুক্তই জনোৱা মতে, অসুস্থতাৰ বাবেই ছোৱালীজনীৰ মৃত্যু হৈছিল৷ আনহাতে আইতাকক কোৱা হৈছিল যে কিশোৰীগৰাকীৰ স্বাভাৱিক মৃত্যুৱে হৈছিল।
যোৱা ২৩ আগষ্টত কিশোৰীগৰাকীৰ পিতৃয়ে এছ পি সিদ্ধাৰ্থ বহুগুণাক সাক্ষাৎ কৰি তদন্তৰ দাবী জনায়, তাৰ পিছত দণ্ডাধীশৰ উপস্থিতিত মৃতদেহটো খান্দি উলিওৱা হয়। আৰক্ষীয়ে সন্দেহৰ ভিত্তিত এজন ভাতৃক আটক কৰি জেৰা কৰাৰ সময়ত সমগ্ৰ ঘটনাটো বর্ণনা কৰি অপৰাধ স্বীকাৰ কৰে৷
ইয়াৰ পাছতে আৰক্ষীয়ে দুয়োজন অভিযুক্তৰ বিৰুদ্ধে হত্যা, ধৰ্ষণ আৰু POCSO আইনৰ অধীনত গোচৰ ৰুজু কৰি এজনক গ্ৰেপ্তাৰ কৰাৰ বিপৰীতে আনজন অভিযুক্ত এতিয়াও পলাতক হৈ আছে। আৰক্ষীৰ জেৰাৰ সময়ত অভিযুক্তই জনায় যে তেওঁ জ্যেষ্ঠ ভাতৃৰ সৈতে কিশোৰীগৰাকীক ধৰ্ষণ কৰি আক্ৰমণ কৰিছিল। আইতাক মদ্যপান কৰি ধৰ্ষণ কৰা বুলিও প্ৰকাশ কৰে অভিযুক্তই। দুয়োজন অভিযুক্তক কঠোৰ শাস্তি প্ৰদানৰ দাবী জনাইছে কিশোৰীগৰাকীৰ পিতৃয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
