চৰিত্ৰৰ এই ৪ গুণতেই পুৰুষতকৈ বহু উন্নত নাৰী, কি কৈছে চাণক্যই?

প্ৰাচীন ভাৰতৰ সৰ্বশাস্ত্ৰজ্ঞ আচাৰ্য চাণক্যই তেওঁ লিখা গ্ৰন্থত জীৱনৰ নানান দিশ সম্পৰ্কে উপদেশ আৰু পৰামৰ্শ দিছে৷ চাণক্য ৰচিত চাণক্য নীতি সমগ্ৰ বিশ্বতেই জনপ্ৰিয় আৰু সমাদৃত৷ হাজাৰ বছৰ পূৰ্বে দিয়া তেওঁৰ উপদেশে আমাৰ আধুনিক জীৱনতো একেদৰেই কাৰ্যকৰী৷ কূটনীতিজ্ঞ চাণক্যই মানৱ চৰিত্ৰ অত্যন্ত ভালকৈ বুজিছিল৷ নাৰী আৰু পুৰুষৰ চৰিত্ৰক লৈ বিশদ বাখ্যা তেওঁ কৰি গৈছে৷ চাণক্যৰ মতে চৰিত্ৰৰ দিশৰ পৰা মহিলাসকল পুৰুষতকৈ বহুগুণে উন্নত৷ তেওঁ মহিলাৰ চৰিত্ৰৰ চাৰিটা বৈশিষ্ট্যৰ কথা জনাইছে৷ চৰিত্ৰৰ এই চাৰি গুণেই মহিলাসকলক পুৰুষতকৈ বহু উন্নত কৰিছে বুলিও তেওঁ কৈ গৈছে৷

মহিলাৰ ভোক বেছি

চাণক্যই কৈছে যে পুৰুষতকৈ মহিলাৰ ভোক বেছি৷ সেয়ে মহিলাসকলৰ শৰীৰ বেছি পুষ্ট হয় আৰু মহিলাসকলৰ এনাৰ্জিও পুৰুষতকৈ বেছি৷ পুৰুষতকৈ মহিলাই বেছি কাম কৰে আৰু দিনজুৰি বহু বেছি এক্টিভ থাকে৷ সেয়ে মহিলাসকলৰ ভোক বেছি৷ ভোক বেছি থকাৰ বাবে তেওঁলোকৰ কৰ্মক্ষমতাও পুৰুষতকৈ বেছি বুলি চাণক্যই কৈ গৈছে৷

মহিলাৰ সাহস বেছি

চাণক্যৰ মতে সাহসৰ দিশৰ পৰা মহিলা পুৰুষতকৈ বহু বেছি আগুৱাই আছে৷ তেওঁৰ মতে মহিলাসকলে পুৰুষৰ তুলনাত বহু বেছি বিপদৰ মুখামুখি হ’বলৈ সাহস কৰে৷ নিজৰ পৰিয়ালক এওঁলোকে প্ৰাণ দিও ৰক্ষা কৰে৷ পুৰুষৰ তুলনাত মহিলাসকলে বেছি সামাজিক চেলেঞ্জৰ মোকাবিলা কৰিব পাৰে৷

মহিলাসকল মানসিকভাৱে মজবুত

পুৰুষতকৈ মহিলাসকলৰ মনৰ জোৰ বহু বেছি বুলি চাণক্যই কৈ গৈছে৷ কোনো বিপদৰ সন্মুখীন হ’লে তেওঁলোকে নিজকে শান্ত কৰি ৰাখিব পাৰে৷ এওঁলোক বেছি আৱেগপ্ৰবণ৷ এওঁলোকে অলপতেই হাঁতে আৰু অলপতেই কান্দে৷ মনৰ ভাৱ সহজে প্ৰকাশ কৰে বাবেই এওঁলোক মানসিকভাৱে বেছি শক্তিশালী হৈ থাকে৷ ব্যক্তিত্বৰ দিশতো মহিলা পুৰুষতকৈ আগুৱাই থাকে৷

মহিলাৰ বুদ্ধি বেছি

পুৰুষৰ তুলনাত মহিলাৰ বুদ্ধি বহু বেছি বুলি জনাইছে চাণক্যই৷ তেওঁ কৈছে এজন সাধাৰণ পুৰুষৰ তুলনাত এগৰাকী সাধাৰণ মহিলাৰ বুদ্ধি চাৰিগুণ বেছি৷ সাধাৰণ জ্ঞান আৰু বুদ্ধি মহিলাৰ বহু বেছি থাকে৷ সেয়ে কঠিন পৰিস্থিতিতো মোকাবিলা পুৰুষৰ তুলনাত নাৰীয়ে ভালকৈ কৰিব পাৰে৷ এওঁলোকে দ্ৰুত চিন্তাভাৱনা কৰিব পাৰে আৰু যিকোনো সমস্যাৰ সমাধান বাহিৰ কৰিব পৰা ক্ষমতা আছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ