আজি পদেকেৰে আৰম্ভ হ’ব ভাৰতৰ অলিম্পিক অভিযান, ফাইনেলত মনু ভাকেৰ
২০২৪ চনৰ পেৰিছ অলিম্পিকৰ প্ৰথম দিনটোতে ভাৰতৰ পদকৰ জোলোঙা খালী হৈ থাকিল। মিক্সড শ্বুটিং ইভেণ্টত পদক লাভৰ বাবে ভাৰতে আশাবাদী আছিল যদিও ভাৰতীয় পুৰুষৰ শ্বুটাৰসকলে ভাল প্ৰদৰ্শন কৰিব নোৱাৰিলে। পাছে সন্ধিয়ালৈ মহিলা শ্বুটাৰ মনু ভাকৰে ভাৰতক ভাল খবৰ দিয়ে।
১০ মিটাৰ এয়াৰ পিষ্টল ইভেণ্টৰ ফাইনেলত প্ৰৱেশ কৰি মনুই ইতিহাসৰ সৃষ্টি কৰে। এই অলিম্পিক ইভেণ্টৰ ফাইনেলত প্ৰৱেশ কৰা প্ৰথমগৰাকী ভাৰতীয় মহিলা শ্বুটাৰ হিচাপে পৰিগণিত হৈছে হাৰিয়ানাৰ মনু। আজি মনুৰ পৰা সোণ আশা কৰিছে দেশবাসীয়ে।
পেৰিছ অলিম্পিকৰ দ্বিতীয় দিনা মনু ভাকেৰৰ লগতে পিভি সিন্ধু, মণিকা বাট্ৰা আৰু নিখাত জৰীণকো একচনত দেখা যাব। আজি দেওবাৰে মহিলাৰ ১০ মিটাৰ এয়াৰ ৰাইফলৰ অৰ্হতা প্ৰতিযোগিতাত শ্বুটাৰ ইলাভেনিল ভেলাৰিভানে শ্বুটিং ৰেঞ্জত প্ৰৱেশ কৰিব। এই খেলখন ভাৰতীয় সময় অনুসৰি নিশা ১২.৪৫ বজাৰ পৰা অনুষ্ঠিত হ’ব।
আনহাতে বেডমিণ্টনত মহিলা শ্বাটলাৰ পিভি সিন্ধুৱে মালদ্বীপৰ আব্দুল ৰজাকৰ বিৰুদ্ধে অভিযান আৰম্ভ কৰিব। এই খেলখন নিশা ১২:৫০ বজাৰ পৰা অনুষ্ঠিত হ’ব। পুৰুষৰ একক শাখাত নিশা ৮ বজাৰ পৰা এইচ এছ প্ৰানয় আৰু জাৰ্মানীৰ ফেবিয়ান ৰথৰ বিৰুদ্ধে খেলিব।
দিনৰ ২.৪৫ বজাৰ পৰা পুৰুষৰ ১০ মিটাৰ এয়াৰ ৰাইফলৰ অৰ্হতাত সন্দীপ সিং আৰু অৰ্জুন বাবুতাক একচনত দেখা যাব। আনহাতে মনু ভাকাৰে মহিলাৰ ১০ মিটাৰ এয়াৰ পিষ্টলৰ ফাইনেলত প্ৰৱেশ কৰিব। এই খেলখন বিয়লি ৩.৩০ বজাৰ পৰা অনুষ্ঠিত হ’ব। পালতোলাত বলৰাজ পানৱাৰে দিনৰ ১.১৮ বজাৰ পৰা পুৰুষৰ একক স্কাল (ৰেপেচ টু)ত একচনত অংশগ্ৰহণ কৰিব।
মহিলা একক (দ্বিতীয় ৰাউণ্ড) টেবুল টেনিছত নিশা ১২.১৫ বজাত ছুইডেনৰ ক্ৰীষ্টিনা কালবাৰ্গৰ বিৰুদ্ধে খেলিব শ্ৰীজা আকুলা। মহিলা একক (দ্বিতীয় ৰাউণ্ড)ত নিশা ১২.১৫ বজাৰ পৰা মণিকা বাট্ৰা বনাম আন্না হাৰ্চি (গ্ৰেট ব্ৰিটেইন)ৰ খেল অনুষ্ঠিত হ’ব। পুৰুষৰ একক (দ্বিতীয় ৰাউণ্ড): শৰথ কমল বনাম ডেনি কোজুল (স্লোভেনিয়া) খেলখন বিয়লি ৩.০০ বজাৰ পৰা আৰম্ভ হ’ব।
পুৰুষৰ ১০০ মিটাৰ বেকষ্ট্ৰ’ক (হিট ২)ত বিয়লি ৩.১৬ বজাৰ পৰা সাঁতোৰত শ্ৰীহৰি নটৰাজ দেখা পোৱাৰ বিপৰীতে মহিলাৰ ২০০ মিটাৰ ফ্ৰীষ্টাইল (হিট ১)ত ৩.৩০ বজাত পুলত প্ৰৱেশ কৰিব ধীনিধি দেশিংগুৱে।
আৰ্চাৰীত মহিলা দল (কোৱাৰ্টাৰ ফাইনেল) ভাৰত (অংকিতা ভক্ত, ভজন কৌৰ আৰু দীপিকা কুমাৰী) বনাম ফ্ৰান্স/নেদাৰলেণ্ডৰ খেলখন সন্ধিয়া ৫.৪৫ বজাৰ পৰা অনুষ্ঠিত হ’ব, আনহাতে মহিলা দল (ছেমি ফাইনেল) সন্ধিয়া ৭.১৭ বজাৰ পৰা আৰম্ভ হ’ব। নিশা ৮.১৮ বজাৰ পৰা মহিলা দল (পদক ৰাউণ্ডৰ খেল) অনুষ্ঠিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
