অসম লাইভ ২৪ঃ অলিম্পিকৰ শৰণাৰ্থী টীমৰ খেলুৱৈসকলক লৈ গৰ্বিত সমগ্ৰ বিশ্ব। যুদ্ধত প্ৰাণ ৰক্ষা কৰি নিজ দেশৰ পৰা পলোৱা শৰণাৰ্থীয়ে বিশ্ববাসীৰ সন্মুখত দেশক প্ৰতিনিধিত্ব কৰিছে অলিম্পিকত। স্বাভাৱিকতেই অলিম্পিকত অংশগ্ৰহণ কৰাটো প্ৰতিগৰাকী খেলুৱৈৰ বাবে এটি সপোন, কিছুসংখ্যকৰ বাবে এই সপোন অত্যন্ত প্ৰত্যাহ্বানেৰে ভৰা। টকিঅ’ অলিম্পিকতো এনে কিছু খেলুৱৈ আছে যিসকলে যুদ্ধৰ বাবে নিজ দেশৰ পৰা পলাই অন্য দেশত শৰণাৰ্থী ৰূপে থাকি অলিম্পিকত অংশগ্ৰহণৰ সুযোগ লাভ কৰিছে। পদক লাভৰ আশাৰে আগবাঢ়িছে বহু খেলুৱৈ। ইণ্টাৰনেচনেল অলিম্পিক কমিটিয়ে ২০১৫ চনত গঠন কৰিছিল অলিম্পিকৰ শৰণাৰ্থী টীম। এই টীমৰ জৰিয়তে শৰণাৰ্থীসকলক খেলৰ প্ৰতি উৎসাহিত কৰিব বিচাৰিছিল অলিম্পিক সংস্থাই। ২০১৬ চনত এই টীমক প্ৰতিনিধিত্ব কৰিছিল কেনিয়াৰ ডিচটেন্স ৰানাৰ টেদলা লৌৰূপে। এইবাৰ ২৯গৰাকী শৰণাৰ্থী খেলুৱৈ নিৰ্বাচিত হয় টকিঅ’ অলিম্পিকলৈ। এথলেটিকচ, বক্সিং, বেডমিণ্টন, শ্বুটিং, ছুইমিং আদি বিভিন্ন খেলত অংশগ্ৰহণ কৰে এইসকল খেলুৱৈয়ে। প্ৰথমবাৰৰ বাবে দুগৰাকী মহিলা শৰণাৰ্থী এথলীটে অংশগ্ৰহণ কৰিছে টকিঅ’ অলিম্পিকত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
