ডিজিটেল ডেস্কঃ- আজি ২৯ডিচেম্বৰ। টিনা যতীন খান্নাৰ আজি ওপজা দিন। আপুনি ভাৱিছে ছাগে, টিনা যতীন খান্না আচঁলতে কোন। বৰ্তমান টুইংকল খান্না হিচাপে জনাজাত বলিউদৰ মোহময়ী অভিনেত্ৰী তথা লেখিকাগৰাকীৰ সৰু কালৰ নামেই আছিল টিনা যতীন খান্না। অভিনেত্ৰী হোৱাৰ সমান্তৰাল ভাৱে লেখিকা হিচাপেও বেচ খ্যাতি আছে টুইংকল খান্নাৰ। ২০১৫ চনত, তেওঁৰ প্ৰথমখন নন-ফিকচন কিতাপ মিচেচ ফানিব’নচ্ প্ৰকাশ হয়। প্ৰকাশৰ পিছতে কিতাপখনে সৰ্বাধিক বিক্ৰীৰ অভিলেখ কৰে আৰু খান্না সেই বছৰৰ সৰ্বাধিক কিতাপ বিক্ৰী হোৱা মহিলা লেখকৰ তালিকাভুক্ত হৈছিল।
অক্ষয় কুমাৰৰ সৈতে ২০০১চনত যুগ্মজীৱনৰ পাতনি মেলিছিল টুইংকল খান্নাই। খান্নাই পঞ্চগনিৰ ‘নিউ এৰা হাই স্কুল’ আৰু ‘নাৰ্চি মনজী কলেজ অফ কমাৰ্চ এণ্ড ইকনমিক্স’ত পঢ়িছিল। দ্বাদশ শ্ৰেণী শেষ কৰাৰ পিছত, তেওঁ চাৰ্টাৰ্ড একাউণ্টেণ্ট হোৱাৰ আগ্ৰহেৰে প্ৰৱেশ পৰীক্ষা দিছিল যদিও তাৰ পৰিৱৰ্তে মাক দেউতাকৰ জোৰত চলচ্চিত্ৰ উদ্যোগত যোগদান কৰে। টুইংকল খান্নাই ১৯৯৫ চনত ৰাজকুমাৰ সন্তোষীৰ ৰোমাণ্টিক চিনেমা বৰসাতত ববি দেউলৰ বিপৰীতে পৰ্দাত আত্মপ্ৰকাশ কৰিছিল।
বহু প্ৰতিভাৰ গৰাকী টুইংকল খান্নাৰে আজি ওপজা দিন। হিন্দী চলচ্চিত্ৰ জগতৰ প্ৰবীণ অভিনেতা ৰাজেশ খান্না আৰু ডিম্পল কাপাডিয়াৰ তেওঁ প্ৰথম সন্তান হৈছে টুইংকল খান্না। পিতৃৰ খুবেই মৰমৰ আছিল টুইংকল খান্না। ৰাজেশ খান্নাই টুইংকল খান্নাক এটা সময়ত ৪টাকৈ বয়ফেণ্ড ৰখাৰ বাবে পৰামৰ্শ দিছিল। ইয়াৰ কাৰন আছিল যে, কোনোবাই প্ৰেমত প্ৰতাৰণা কৰিলে যাতে টুইংকল খান্নাই মনত আঘাত নাপায়। সেই কথা এটা সাক্ষাতকাৰত নিজেই কৈছিল টুইংকল খান্নাই।
টুইংকল খান্নাৰ মাতৃ ডিম্পল কাপাডিয়াইও অক্ষয়ৰ সৈতে টুইংকলক লিউ ইন ৰিলেশ্যনত থকাৰ পৰামৰ্শ দিছিল। বিয়াৰ কিছু বছৰৰ আগেয়ে দুয়োকে একেলগে থাকি এজনে সিজনক ভালকৈ জানি-বুজি লোৱাৰ বাবে পৰামৰ্শ দিছিল ডিম্পল কাপাডিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
