‘গুজৰাটত আমাৰ চৰকাৰ হওক, ১ মাৰ্চৰ পৰা বিনামূলীয়া বিজুলী যোগানৰ দায়িত্ব মোৰ।’ গুজৰাটত নিৰ্বাচনী প্ৰচাৰ আৰম্ভ কৰি দিল্লীৰ মুখ্যমন্ত্ৰী অৰবিন্দ কেজৰিৱালে কৰা এই মন্তব্য এতিয়া সামাজিক মাধ্যমত ভাইৰেল হৈ পৰিছে।
দিল্লীৰ মুখ্যমন্ত্ৰী অৰবিন্দ কেজৰিৱালে গুজৰাট ভ্ৰমণক লৈ এতিয়া সৰ্বত্ৰে চৰ্চা। পঞ্জাৱৰ পিছতেই এইবাৰ গুজৰাটৰ মছনদো কেজৰীৱালৰ আম আদমি পাৰ্টিলৈ যাব নেকি? এই প্ৰশ্নই এতিয়া ৰাজনৈতিক ভূ ৰখা মহলৰ মনত দোলা দি আছে৷ কাৰণ মোদীৰ সাম্ৰাজ্যত দিনকদিনে জনপ্ৰিয় হ’ব ধৰিছে আপৰ মুখ্য আহ্বায়ক অৰবিন্দ কেজৰিৱাল।
ইয়াৰ প্ৰমাণ এই এটা মাত্ৰ সাধাৰণ উদাহৰণতেই স্পষ্ট হৈ পৰিব। কেজৰিৱালৰ গুজৰাট ভ্ৰমণৰ কালছোৱাত এজন সাধাৰণ ৰিক্সা চালকে অৰবিন্দ কেজৰিৱালক লগ কৰে। ৰিক্সা চালকগৰাকীয়ে কেজৰিৱালক তেওঁৰ বাসগৃহলৈ ভোজনৰ বাবে নিমন্ত্ৰণ জনায়।
নিমন্ত্ৰণ জনোৱাৰ লগতে ৰিক্সা চালকগৰাকীয়ে কয় যে পঞ্জাৱতো কেজৰিৱালে ৰিক্সাচালকৰ ঘৰলৈ ভোজনৰ বাবে গৈছিল। তেনে ক্ষেত্ৰত তেওঁৰ ঘৰতো নিশ্চয় আহাৰ গ্ৰহণৰ বাবে অহাত কেজৰিৱালৰ আপত্তি থাকিব নালাগে। ৰিক্সা চালকগৰাকীৰ কথাত মোহিত হৈ কেজৰিৱালে লোকজনৰ গৃহলৈ যোৱাৰ প্ৰতিশ্ৰুতি দিয়ে।
আনহাতে, গুজৰাটত কেজৰিৱালে বিৰোধীপক্ষক লক্ষ্য কৰি কয় যে, গুজৰাটত আপৰ চৰকাৰ গঠন হ’লে গুজৰাটবাসীয়ে বিনামূলীয়া চিকিৎসা সেৱা লাভ কৰিব। দিল্লী-পঞ্জাৱত আপে চৰকাৰ গঠন কৰাৰ পিছতেই প্ৰত্যেকঘৰ মানুহৰ ঘৰত বিনামূলীয়া বিজুলীৰ ব্যৱস্থা কৰিছে। আনহাতে চিকিৎসাও বিনামূলীয়াকৈ লাভ কৰিছে দিল্লী আৰু পঞ্জাৱবাসীয়ে।
চলিত চৰকাৰে দিয়া আঁচনিতকৈ অধিক আঁচনি ঘোষণা কৰি কেজৰিৱালে কয় যে, আপৰ চৰকাৰ হ’লেই গুজৰাটৰ প্ৰত্যেক ঘৰৰ তিনিগৰাকী জীয়াৰীয়ে মাহে ৩০০০ কৈ টকা লাভ কৰিব। বিজেপি চৰকাৰৰ মাত্ৰ অৰুনোদয় আঁচনিৰ জৰিয়তে কেৱল অবিবাহিত মহিলা বিধৱা মহিলাসকলহে উপকৃত হৈছে। ১৮ বছৰৰ ওপৰৰ কন্যা সন্তানৰ বাবে কোনো আঁচনি বিজেপিয়ে দিয়া নাই।
লগতে পঢ়ক টাটাৰ যাদু! টাটাই লোৱাৰ লগে লগে ভাগ্য সলনি এয়াৰ ইণ্ডিয়াৰ! ৩০ খন নতুন বিমান হ’ব অন্তৰ্ভুক্ত!
ইপিনে অটোৱালাৰ সৈতে বাৰ্তালাপত মিলিত হৈ কোজৰিৱালে কয় যে, বিজেপিয়ে ২৭ বছৰ ধৰি গুজৰাটত শাসন কৰিছে। কিন্তু এই ২৭ বছৰত বিজেপিৰ কোনো মন্ত্ৰী অথৱা এমএলএ-এ অ’টোৱালাসকলৰ দুৰ্দশাৰ কথাবোৰ বুজ ল’বলৈ আগুৱাই আহিছেনে বুলিও কেজৰিৱালে প্ৰশ্ন কৰে৷
আপৰ নেতাগৰাকীয়ে লগতে কয় যে আপৰ প্ৰত্যেকগৰাকী মন্ত্ৰীকেই দিল্লীৰ অ’টোৱালাই চিনি পায়। ক’ভিডৰ সময়ত দিল্লীৰ অ’টোৱালাসকলক আপ চৰকাৰে পাৰ্যমানে সহায়ো কৰিছে। দিল্লীৰ ১.৫ লাখ অ’টোৱালাক লকডাউনৰ সময়ত ৫০০০ কৈ টকাও দুবাৰকৈ আগবঢ়াইছিল আপ চৰকাৰে।
ইয়াৰোপৰি মুখ্যমন্ত্ৰী কেজৰিৱালে গুজৰাটৰ চৰকাৰী শিক্ষাখণ্ডৰো বুজ লয়। গুজৰাটৰ কিমান ছাত্ৰ-ছাত্ৰীয়ে চৰকাৰী বিদ্যালয়ত পঢ়াশুনা কৰি আছে? চৰকাৰী বিদ্যালয়সমূহ উন্নতনে বুলি কেজৰিৱালে প্ৰশ্ন কৰে৷
লগতে পঢ়ক ভক্ষক আৰক্ষী পৰিদৰ্শকক গ্ৰেপ্তাৰ! মহিলা আৰক্ষীক ধৰ্ষণ কৰি পলাতক হৈ আছিল বিষয়াগৰাকী
গুজৰাটৰ শিক্ষাব্যৱস্থাৰ কথা আওপকীয়াকৈ বেয়া বুলি দাবী কৰি কেজৰীৱালে কয় যে, ‘‘ইয়াত উপায়হীনসকলেহে চৰকাৰী বিদ্যালয়ত ছাত্ৰ-ছাত্ৰী পঠিয়ায়। এনে ব্যৱস্থাত অ’টোৱালাৰ সন্তানে জানো কাহানিবা ডাক্টৰ-ইঞ্জিনীয়াৰ হোৱাৰ সপোন দেখিব পাৰিব? চৰকাৰী শিক্ষা ব্যৱস্থা দিল্লীত আমি যথেষ্ঠ উন্নত কৰিছো। পঞ্জাৱতো এতিয়া উন্নতিৰ ধাৰা আৰম্ভ হৈছে। আপৰ চৰকাৰ হ’লে গুজৰাটৰ অটোৱালাৰ সন্তানেও চিকিৎসক হ’ব, অভিযন্তা হ’ব।’’
এইদৰেই কেজৰিৱালৰ যাদুৱে মোহিছে গুজৰাটবাসীক! ৭ বছৰৰ পিছত পৰিবৰ্তন আনিবলৈ সাঁজু হৈছে গুজৰাটবাসীয়েও! সঁচাকৈয়ে অস্তগামী হৈছে নেকি গুজৰাটত বিজেপি। এতিয়া ৰাজনৈতিক মহলত বিশেষভাৱে এই চৰ্চা লাভ কৰা দেখা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
