ভাৰতৰ বাহিৰেও বিশ্বৰ এখন আগশাৰী দেশত ব্যাপক হাৰত হিন্দুৰ জনসংখ্যা বৃদ্ধি পোৱা পৰিলক্ষিত হৈছে৷ শেহতীয়াকৈ কৰা লোক পিয়লত অষ্ট্ৰেলিয়াত হিন্দু জনসংখ্যাৰ বৃদ্ধি পাইছে৷
ইফালে দেশখনৰ সংখ্যাগুৰু ধৰ্মীয় জনসংখ্যা খ্ৰীষ্টানৰ জনসংখ্যা ৫০ শতাংশতকৈ হ্ৰাস হৈছে৷ দেশখনত বৃদ্ধি পাইছে নাস্তিক তথা ইশ্বৰ আৰু ধৰ্মত অবিশ্বাসী লোকৰ সংখ্যা৷ শেহতীয়া পৰিসংখ্যাৰ মতে অষ্ট্ৰেলিয়াত নাস্তিকৰ জনসংখ্যা ৩৯ শতাংশলৈ বৃদ্ধি পাইছে৷
উল্লেখ্য যে দেশখনৰ জনসংখ্যাই ২.৫ কোটি অতিক্ৰম কৰিছে৷ দেশখনৰ মুঠ জনসংখ্যা হৈছে ২ কোটি ৫৫ লাখ৷ ২০১৬ চনত অষ্ট্ৰেলিয়াৰ জনসংখ্যা ২ কোটি ৩৪ লাখ আছিল৷ বিগত পাঁচটা বছৰত দেশখনৰ প্ৰায় ২১ লাখ জনসংখ্যা বৃদ্ধি পাইছে৷
লগতে পঢ়ক বিশ্বৰ চৌদিশে হিন্দুবিৰোধী শক্তি সক্ৰিয় কিয়? ১০০ কোটি হিন্দুৱে জয় কৰিব বিশ্ব!
লোকপিয়লৰ পৰিসংখ্যা অনুসৰি অষ্ট্ৰেলিয়াত প্ৰথমবাৰৰ বাবে খ্ৰীষ্টানৰ সংখ্যা ৫০ শতাংশৰ তললৈ নামিছে। এতিয়া অষ্ট্ৰেলিয়াৰ মাত্ৰ ৪৪% লোকহে খ্ৰীষ্টান। যিটো ৫০ বছৰ পূৰ্বে এই সংখ্যা আছিল ৯০ শতাংশ। অৱশ্যে খ্ৰীষ্টান ধৰ্মত বিশ্বাসী লোকৰ সংখ্যা দেশখনৰ ভিতৰতে সৰ্বাধিক।
আনহাতে ৩৯ শতাংশেৰে কোনো ধৰ্ম বিশ্বাস নকৰা তথা নাস্তিকসল দ্বিতীয় স্থানত আছে। অষ্ট্ৰেলিয়া বিশ্বৰ এনে এখন দেশ য’ত মুঠ জনসংখ্যাৰ ভিতৰত নাস্তিকৰ শতকৰা হাৰ ইমান বেছি।
লগতে পঢ়ক বলীউড এৰি ৰাজনীতিলৈ অভিনেতা অক্ষয় কুমাৰ! কি ক’লে অক্ষয় কুমাৰে?
হিন্দু ধৰ্মত বিশ্বাসীসকলৰ জনসংখ্যা দ্ৰুতগতিত বৃদ্ধি
ইফালে অষ্ট্ৰেলিয়াত হিন্দু ধৰ্ম আৰু ইছলাম ধৰ্মও দ্ৰুতগতিত বৃদ্ধি হোৱা দেখা গৈছে। অৱশ্যে দুয়োটা ধৰ্ম অনুসৰণ কৰা লোকৰ সংখ্যা মাত্ৰ ৩-৩ শতাংশ। কিন্তু যোৱা লোকপিয়লৰ লগত তুলনা কৰিলে দেখা যায় যে দুয়োটা ধৰ্মৰ লোকৰ সংখ্যা বৃদ্ধি পাইছে।
২০১৬ চনত অষ্ট্ৰেলিয়াত হিন্দু জনসংখ্যা (১.৯%) আৰু মুছলমান জনসংখ্যা (২.৬%) আছিল। এনেদৰে অষ্ট্ৰেলিয়াত হিন্দুৰ সংখ্যা যথেষ্ট বৃদ্ধি পাইছে। ইয়াৰ কাৰণ হ’ল ভাৰতকে ধৰি সমগ্ৰ বিশ্বৰ পৰা অষ্ট্ৰেলিয়ালৈ প্ৰব্ৰজন কৰা হিন্দুৰ সংখ্যা দ্ৰুতগতিত বৃদ্ধি পাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
