যুদ্ধ বিধ্বস্ত ইউক্ৰেইনৰ ৰাজধানী কীয়েভ দখলৰ বাবে ৰুছ সেনাৰ প্ৰায় ৬৪ কিলোমিটাৰ এটা বিশাল কনভয়ে যাত্ৰা কৰিছিল৷ কিন্তু হঠাতে ৰুছ সেনাৰ এই বিশাল কনভয়টোৰ গতি মন্থৰ হোৱা বুলি প্ৰকাশ পাইছে৷ কিয় হঠাতে ৰাছিয়ান সেনাৰ এই বিশাল কনভয়টোৰ গতি মন্থৰ হৈছে?
ব্ৰিটিছ প্ৰতিৰক্ষা মন্ত্ৰালয়ৰ সূত্ৰই দাবী কৰিছে যে খাদ্য, ইন্ধন আৰু অত্যাৱশ্যকীয় সামগ্ৰীৰ অভাৱৰ বাবে ৰুছ বাহিনীৰ এই বিশাল কনভয়টোৰ গতি মন্থৰ হৈ পৰিছে।
লগতে পঢ়ক যুদ্ধ বিধ্বস্ত ইউক্ৰেইনত পাকিস্তানী আৰু তুৰ্কী শিক্ষাৰ্থীৰ হাতত ভাৰতৰ জাতীয় পতাকা কিয়?
সূত্ৰটোৱে লগতে কৈছে যে বিশাল বাহিনীটোক সৰু সৰু গোটত বিভক্ত কৰি গোটবোৰক সঠিকভাৱে পৰিচালনা কৰিবলৈ নেতৃত্বৰ অভাৱ হৈছে৷ ব্ৰিটিছ প্ৰতিৰক্ষা মন্ত্ৰালয়ৰ সূত্ৰই লগতে দাবী কৰিছে ৰুছ সেনাৰ উক্ত বিশাল কনভয়টোৰ মাজত এক মত বিৰোধৰ পৰিৱেশ সূচনা হৈছে।
ইফালে পেন্টাগনৰ এজন বিষয়াৰ মতে, ‘‘এঘণ্টাৰ ভিতৰত এই কনভয়ৰ অগ্ৰগতিৰ বিষয়ে জনোৱাটো সম্ভৱ নহয়।’’
লগতে পঢ়ক ইউক্ৰেইনলৈ আমেৰিকাসহ কোন কোন ৰাষ্ট্ৰই কিমান, কি কি সামৰিক সাহায্য আগবঢ়াইছে?
অৱশ্যে পেণ্টাগনেও কনভয়ৰ গতি যথেষ্ট হ্ৰাস পাইছে বুলি দাবী কৰিছে। ‘‘ৰাছিয়াই প্ৰথম দিনৰ পৰা যি গতিৰে আক্ৰমণ আৰম্ভ কৰিছিল সেই গতি অব্যাহত থকা হ’লে সমগ্ৰ ইউক্ৰেইন এতিয়ালৈকে ৰাছিয়াৰ নিয়ন্ত্ৰণত থাকিলহেঁতেন।’’ পেণ্টাগনৰ এগৰাকী বিষয়াই কয়৷
কিন্তু সামৰিক অভিযানৰ সাত দিন পাছতো ৰাছিয়াই এতিয়াও ইউক্ৰেইনৰ ৰাজধানী কীয়েভ দখল কৰা নাই। পেণ্টাগনৰ মতে খাৰকিভ দখল কৰিবলৈ ৰুছ বাহিনীয়ে তীব্ৰ বাধাৰ সন্মুখীন হ’ব লাগিব। ইফালে ৰাছিয়াই যোৱা ২৪ ঘণ্টাত দক্ষিণ ইউক্ৰেইনৰ খাৰচন কব্জা কৰা বুলি দাবী কৰিছে।
লগতে পঢ়ক ইউক্ৰেইনলৈ আমেৰিকাসহ কোন কোন ৰাষ্ট্ৰই কিমান, কি কি সামৰিক সাহায্য আগবঢ়াইছে?
অৱশ্যে, পেন্টাগনৰ বিষয়াই লগতে আশংকা ব্যক্ত কৰে যে ৰাছিয়াই কীয়েভত সম্পূৰ্ণৰূপে জঁপিয়াই পৰাৰ আগতে ইউক্ৰেইনৰ চৰকাৰী আন্তঃগাঁথনি ধ্বংস কৰাৰ পৰিকল্পনা কৰিছে। আৰু সেই কাৰণে ৰাছিয়াই কীয়েভ দখলৰ পূৰ্বে কৌশল সলনি কৰিব পাৰে!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
